Bagong LPA at Tropical Depression, Binabantayan ng PAGASA sa Labas ng Bansa

Ayon sa Philippine Atmospheric, Geophysical and Astronomical Services Administration (PAGASA), kasabay ng Typhoon "Dolphin," may dalawa pang weather systems na kanilang minomonitor sa labas ng Philippine Area of Responsibility (PAR).

Sa pinakahuling ulat ng PAGASA na inilabas noong Agosto 8, 2026, alas-singko ng hapon, inihayag na ang mga ito ay isang tropical depression at isang low pressure area (LPA) na may mataas na posibilidad na maging bagyo.

Ang tropical depression ay huling namataan sa layong 3,055 kilometers mula sa Extreme Northern Luzon, na may lakas ng hangin na umaabot sa 45 kilometers per hour at pagbugsong 55 kilometers per hour. Samantalang ang LPA naman ay huling naitala sa 1,795 kilometers mula sa nasabing rehiyon.

Ayon sa PAGASA, ang LPA ay maaaring maging isang tropical depression o isang mahinang bagyo sa loob ng susunod na 24 na oras. Patuloy ang kanilang pagbabantay sa mga sistemang ito upang masubaybayan ang kanilang posibleng epekto sa bansa.