BB PH international hindi pa priority ang showbiz!

MANILA, Philippines — Hindi pa rin makapaniwala ang kinatawan ng Baguio City na si Gwendoline Meliz Soriano na siya ang bagong Binibining Pilipinas International 2026. Muling bumangon si Gwendoline matapos ang mga pagsubok na kanyang naranasan noong nakaraang taon. Matapos siyang ianunsyo bilang opisyal na kandidata noong 2022, nag-withdraw siya dahil sa kanyang trabaho bilang commercial model na nagdulot ng mga conflict sa kanyang kontrata.

Ngunit hindi lamang iyon ang kanyang naranasang hamon. Namatay ang kanyang ama dalawang buwan matapos ang kanyang withdrawal, nagsara rin ang kanyang negosyo, at pinagtaksilan siya ng isang kaibigan. Sa kabila ng mga pagsubok na ito, napagtanto ni Gwendoline na ang mga ito ay paghahanda ng Panginoon para sa tamang oras at pagkakataon upang makamit ang kanyang mga pangarap.

Noong 2026, nang magkaroon siya ng pagkakataon na muling makalahok, agad niyang ginrab ito dahil ito na raw ang huling pagkakataon niya, na may age limit sa international crown at siya ay 27 taong gulang na. Nilakasan niya ang loob na sumugal at labis ang kanyang pasasalamat na sa wakas ay nakamit na niya ang inaasam na korona.

Nang tanungin kung interesado ba siyang pasukin ang showbiz, sinabi ni Gwendoline na nakatutok siya sa kanyang mga responsibilidad bilang kinatawan ng Pilipinas, lalo na't sasabak siya sa Miss International sa susunod na taon. Pagkatapos ng kanyang laban sa Miss International, bukas siya sa anumang oportunidad na dumating, lalo na't nagtapos siya ng Communication at may karanasan sa production industry.

Ayon sa kanya, sanay siya sa trabaho sa harap at likod ng camera, at kasalukuyan rin siyang nasa real estate, kaya't sabik na siyang muling magtrabaho. Kung ang ibang public figure ay iniiwasang magbasa ng mga negatibong komento, si Gwendoline ay mahilig magbasa ng mga ito. Gusto niyang malaman ang mga kritisismo upang malaman kung paano niya ito maiaayos.

“Ako, I’m very curious sometimes so I really do read comments but whenever I read comments I try to filter out ‘is this true? If this is not true about me, of course there are a lot of people who say negative and bad things about you especially if they don’t know you. So if I get to read it and I know that it’s not true, dedma! Art of dedma. But there are also some comments that I’m really curious about and I wanted to read, just so I know if I would like to consider that if they are constructive or not. I don’t know. I just like reading,” bahagi niya.

May mga pagkakataon na sinasagot niya ang mga ito sa maayos na paraan upang maitama ang mga maling kwento. Hindi niya hinahayaan ang ‘culture of hate’ lalo na online. “They’d share lies about you. I just feel compelled sometimes to answer it gracefully so I could correct the narrative because I don’t want to tolerate. And I don’t want to allow the culture of hate especially online,” dagdag niya.

May isang pagkakataon na sinagot niya ang isang basher nang maayos at tingin niya ay isa itong wake-up call sa mga sumusuporta sa page na iyon na huwag pahintulutan ang ganoon. Dapat din nilang isipin na ang mga kababaihan tulad nila ay may mga pinagdaraanan sa likod ng ningning ng kanilang korona.

Sa isang masayang tono, tinanong si Gwendoline at ang kanyang mga kapwa beauty queens tungkol sa kanilang lovelife at kung dumating ba sa punto na kinailangan nilang isantabi ang kanilang mga pangarap para sa kanilang mga karelasyon. Matigas na “no” ang kanilang sagot habang nagtatawanan. Naniniwala sila na nakamit nila ang kanilang mga pangarap sa tulong ng kanilang supportive partners, at na-maintain nila ang kanilang individuality na may kanya-kanyang pinagkakaabalahan. “As women, we are not defined by our relationship,” pahayag pa niya.