Caluag, Coo papadyak sa Asian Games

Muling papadyak sina Fil-Am Daniel Caluag at Patrick Coo para sa Pilipinas sa BMX cycling event ng 20th Asian Games na gaganapin sa Aichi-Nagoya, Japan sa Setyembre. Ang 39-anyos na si Caluag ay naglalayon na makamit ang kanyang ikalawang gintong medalya sa Asiad, matapos niyang magtagumpay sa ika-17 edisyon ng Asian Games noong 2014 sa Incheon, South Korea. Siya lamang ang nakapag-uwi ng medalya mula sa nasabing quadrennial event sa kanyang karera.

Sa nakaraang Asian Games na ginanap sa Hangzhou, China noong 2022, nagtapos si Caluag sa ikaanim na puwesto. Siya rin ay isang gold medalist sa 2013 Southeast Asian Games. Samantalang ang 24-anyos na si Coo ay naglalayon din na makuha ang gintong medalya matapos siyang makakuha ng tansong medalya sa Hangzhou Asiad.

Kasalukuyang nagsasanay sina Caluag at Coo sa Amerika at inaasahang magtutungo sa Japan isang linggo bago ang Aichi-Nagoya Asiad. Ang 2026 Asian Games ay nakatakdang ganapin mula Setyembre 19 hanggang Oktubre 4.