DepEd, nakatakdang ipamahagi ang mga laptop sa mga guro

Nagbigay ng pahayag ang Department of Education (DepEd) tungkol sa hiwalay na pagbili ng mga lapel at laptop para sa mga guro sa mga pampublikong paaralan sa Pilipinas. Ayon sa kanilang pinakabagong post sa Facebook noong Agosto 2, inuna nila ang pamamahagi ng mga lapel, ngunit malapit na umano nilang matapos ang proseso ng pagbili para sa mga laptop ng mga guro.

Sa kanilang pahayag, sinabi ng DepEd, "Samantala, ang mga voice amplifiers ay handa nang magbigay ng suporta sa halos 880,000 guro sa buong bansa. Sa pamamagitan ng masusing bidding, napababa natin ang presyo ng bawat yunit mula sa naaprubahang ceiling na 480.76 patungong humigit-kumulang 300-370, depende sa lokasyon, na may kasamang isang taong warranty."

Ipinahayag pa ng ahensya na ang mga guro ay makakatanggap ng parehong suporta sa silid-aralan na ipinangako ni Pangulong Ferdinand Marcos, Jr. na kinabibilangan ng mga voice amplifiers ngayon at de-kalidad na mga laptop para sa mga guro sa hinaharap.