Maegan Aguilar, nilahad ang karanasan nang maging adik

Abril lamang nitong taon nang makalabas mula sa isang rehabilitation center si Maegan Aguilar. Matapos ang dalawang taong pananatili sa rehab, ngayo'y maayos na ang buhay ng anak ni Freddie Aguilar. Sa isang panayam kay Boy Abunda sa programang Fast Talk, ibinahagi ni Maegan ang kanyang mga karanasan at ang mga pagbabago sa kanyang buhay.

Ayon kay Maegan, "I haven’t thought of using again ever since that time. My life is on a move already like with my children, how we spent time together, how I spent time with my mom. Recently, I was allowed to live on my own again by the family. These are all highlight and breakthroughs."

Nagsimula ang kanyang laban sa adiksyon noong 2009, sa edad na dalawampu’t walo. Ipinahayag niya na, "It affected me, no’ng nawala sa akin ‘yung panganay kong anak. Supposed to be dalawa kaming may petisyon (papuntang Amerika), nauna lang siya. Supposedly I will follow in a month’s time. But it didn’t all happen."

Sa kanyang kwento, inamin ni Maegan na ang kanyang pag-gamit ng ipinagbabawal na gamot ay isang paraan lamang ng pag-iwas sa iba pang bisyo. "I’m allergic to alcohol, I’m allergic to nicotine, and I wanted to have a vice, so I did drugs because I wasn’t allergic to that. I justified the use of it with the problems that I had," aniya.

Noong mga panahong iyon, nakuha niyang makapasok sa isang rehabilitation center sa tulong nina Kuh Ledesma at Isabella. "They’ve been a great team that were trying to help me. In all honesty, nahirapan silang dalawa with me. Ang talagang pakay ko lang doon is magpahinga, paglabas, tira ulit," kwento niya. Sa kabila ng mga hindi pagkakaintindihan, nagkaayos din sila ni Kuh.

Naranasan ni Maegan ang mawalan ng tahanan at nagpakalat-kalat sa kalye. "I was just outside the subdivision of Tatay where I live. I’m just outside the area, making a fool out of myself. Nakatulog ako sa tricycle, sa CR ng McDonald’s, ang lala," pagbabalik-tanaw niya. Sa kabila ng kanyang sitwasyon, hindi siya tinulungan ng kanyang ama, na nagbigay sa kanya ng mahigpit na mensahe na ayusin ang kanyang buhay.

Matapos ang pagkamatay ng kanyang ama noong Mayo ng nakaraang taon, nagkaroon siya ng pagkakataon na humingi ng tawad at magpasalamat. "It was, ‘Tay, sobrang mahal n’yo pala ako the whole time. The whole time na hinayaan n’yo akong magkanda-letse-letse ‘yung buhay ko. Kasi nagtiwala kayo na kakayanin ko, na I would find the right way,'" emosyonal na kwento ni Maegan.

Pinayagan lamang umanong lumabas ng isang oras mula sa rehab si Maegan nang mailibing na si Freddie. "Ang masakit nasa loob ako (noong namatay ang Tatay). I can’t even go out for it. Hindi talaga (pinayagang lumabas), at that moment, family was also fighting. Gano’n naman ‘di ba when someone dies. Ang gulo, it was magulo," pagbabahagi ng singer.