Magkasintahan na nakatakdang ikasal sa Setyembre, nasawi sa motorsiklo

Isang mag-live-in partner ang nasawi sa Cebu City matapos bumangga ang kanilang sinasakyang motorsiklo sa isang poste. Ayon sa ulat ng GMA News Unang Balita, naganap ang insidente habang sinusubukan ng mga biktima na iwasan ang isang kasalubong na sasakyan sa pakurbadang bahagi ng kalsada sa Barangay Busay.

Sa kuha ng CTCV camera, makikita ang mga biktima na nagmaneho ng kanilang motorsiklo nang bigla silang makasalubong ng ibang sasakyan. Sa kanilang pag-iwas, hindi na nila nakayang kontrolin ang motorsiklo at bumangga ito sa isang poste. Dahil sa lakas ng pagkakabangga, umikot ang motorsiklo sa ere at tumilapon ang mga biktima mula dito.

Wala nang buhay ang mga biktima nang madatnan ng mga awtoridad sa lugar ng insidente. Ayon sa mga pulis, napag-alaman na ang magkasintahan ay nakatakdang ikasal sa darating na Setyembre. Sa ngayon, patuloy ang pagsisikap ng mga awtoridad na makuha ang pahayag ng mga kaanak ng mga biktima upang mas mapalalim ang imbestigasyon sa insidente.