Mga Dapat Bantayan na Senyales ng Pagguho ng Lupa sa Panahon ng Ulan

Sa kabila ng trahedya ng pagguho ng lupa sa Barangay Guisad Surong, Baguio City, kung saan 10 ang nasawi at tatlo ang nakaligtas, nagbigay ng mensahe ng pakikiramay si Mayor Benjamin Magalong. Ayon sa kanya, ang pagkawala ng mga buhay sa insidenteng ito ay isang napakalungkot na pangyayari para sa lungsod. Sa kanyang pahayag sa social media, inilahad niya ang kanyang taos-pusong pakikiramay sa mga naulila ng mga biktima.

"Ang pagkawala ng sampung buhay sa kamakailang pagguho ng lupa ay isang napakalalim na sakit para sa ating lungsod. Ipinapaabot ko ang aking taos-pusong pakikiramay sa mga pamilya at mahal sa buhay ng mga nawala. Walang mga salita ang makakapawi sa lungkot ng pagkawala ng isang miyembro ng pamilya, lalo na sa ganitong biglaan at malupit na pagkakataon. Nakikidalamhati kami sa bawat pamilya na naghintay at umasa sa panahon ng paghahanap, at kami ay nakikibahagi sa kalungkutan na bumalot sa ating komunidad. Ang aming mga isip at panalangin ay nananatili sa kanila sa napakahirap na panahong ito," pahayag ni Magalong.

Bilang tugon sa nakalulungkot na pangyayaring ito, nagbigay ang Department of Health (DOH) ng mga senyales ng pagguho ng lupa na dapat bantayan tuwing umuulan. Mahalaga ang mga senyales na ito upang mapanatili ang kaligtasan ng mga residente sa mga lugar na madalas tamaan ng landslide. Ang mga senyales na ito ay dapat maging gabay sa lahat upang makaiwas sa panganib na dulot ng mga pagguho ng lupa.