Pax Silica, hindi makaaapekto sa mga magsasaka ayon sa Palasyo

Nilinaw ng Malacañang ang mga alingawngaw na nag-uugnay sa nakatakdang pagtatayo ng Pax Silica sa Tarlac at ang posibleng epekto nito sa mga magsasaka. Sa isang press briefing noong Agosto 3, 2026, sinabi ni Atty. Claire Castro, Undersecretary ng Presidential Communication Office (PCO), na may mga itinalagang "buildable zones" sa lugar na ito na hindi na magagamit para sa agrikultura.

Ayon kay Castro, ang mga buildable areas ay naitalaga mula pa noong 2019, kasabay ng 2019 SEA Games. "Wala nang mga magsasaka sa lugar na ito dahil ito ay naaprubahan na bilang buildable zones," aniya. Ang mga pasilidad na maaaring itayo ay nakatakdang ilagay sa mga nasabing zone, na naglilimita sa mga aktibidad ng pagsasaka sa ibang bahagi ng lupain.

Dagdag pa ni Castro, may nakalaan pang 6,000 ektarya ng lupain para sa agrikultura, na nagpapakita na maliit lamang ang magiging epekto ng Pax Silica sa mga magsasaka. "Maliit lang ang maookupa ng Pax Silica sa pagtatayo at operasyon ng pasilidad na ito," pahayag niya. Ang mga impormasyon ito ay naglalayong mapawi ang pangamba ng mga lokal na magsasaka hinggil sa proyekto.