Reina Filipinas 2026: Inanunsyo ang Top 11 na Finalists

Inanunsyo ng Reina Filipinas 2026 ang mga Top 11 finalists nito mula sa 21 na mga kandidata. Sa mga ito, 10 ang napili bilang mga beauty queens sa Top 10, habang isa ang kinilala bilang Fast Track winner. Narito ang mga kandidatang nakapasok sa unang cut ng kompetisyon:

Fast Track Winner - Bianca Bautista mula sa Bulacan Province; Angelica Lopez mula sa Palawan; Jesree Einz Aguilar mula sa Nueva Ecija; Jade Candilado mula sa Rizal; Alexie Caimoso Brooks mula sa Iloilo City; Hanna Michaela Amistad mula sa San Mateo, Rizal; Scarlett de Mesa mula sa Muntinlupa; Anne Patricia Diaz mula sa Tondo, Manila; Cleopatra Barrera mula sa Zambales; Zeah Nestle Pala mula sa Mandaluyong; at Isabella Ortega mula sa Camarines Sur.

Bago ang anunsyo ng Top 11, isinagawa ang swimsuit portion ng kompetisyon kung saan si Angelica Lopez ng Palawan ang nagwagi bilang Best in Swimsuit. Kasabay ng mga finalist, inihayag din ang mga nanalo sa mga espesyal na parangal. Kabilang dito ang: Reina Urban Smiles - Angelica Lopez mula sa Palawan; Reina Beauty Vault - Scarlett de Mesa mula sa Muntinlupa; Reina KSerene - Alexie Caimoso Brooks mula sa Iloilo City; Reina Pasarela - Angelica Lopez mula sa Palawan; at Reina Photogenic - Cleopatra Barrera mula sa Zambales.

Sa kasalukuyan, ginaganap ang kauna-unahang Reina Filipinas 2026 coronation night sa Newport Performing Arts Theater sa Pasay City. Isang reyna ang koronahan bilang Reina Filipinas - Grand International 2026 habang dalawa ang magiging Reina Filipinas - MGI All Stars. Ang tatlong nagwagi ay magiging kinatawan ng Pilipinas sa mga pageant na Miss Grand International at Miss Grand International All Stars.

Ang Reina Filipinas ay pinangunahan ni Jojo Bragais, na kilala bilang tagapagtatag ng Jojo Bragais Shoes, isang tatak na malawakang ginagamit sa mga pangunahing lokal at internasyonal na pageant. Si Emma Tiglao, ang Miss Grand International 2025, ang nagsisilbing national director ng pageant. —Carby Rose Basina/CDC GMA News