Robb Guinto at Yasser Marta, may pinagdadaanan sa kanilang relasyon

Tinalakay ni Robb Guinto ang kasalukuyan nilang estado ni Yasser Marta matapos maging emosyonal ang aktor sa isang panayam nang tanungin tungkol sa kanilang relasyon. Sa kanyang Instagram Stories, sinabi ni Robb na maaaring may mga opinyon ang mga tao batay sa kanilang nakikita sa publiko, ngunit tanging sila lamang ang tunay na nakakaalam ng kwento.

"May pinagdadaanan kami ngayon, at naniniwala akong mas mabuting harapin ang ilang bagay nang pribado," aniya.

"Ayokong magsalita ng masama tungkol sa sinuman o ilantad ang mga pribadong bagay para lamang ipagtanggol ang sarili. Umaasa lang ako na mabigyan kami ng espasyo at respeto na kailangan namin," dagdag pa niya. "Salamat sa mga pumipili ng kabutihan."

Noong Miyerkules, naging panauhin si Yasser sa programang "Fast Talk With Boy Abunda" at siya ay naluha nang tanungin ng King of Talk kung sila pa rin ni Robb.

Sumagot siya ng oo ngunit inamin na may pinagdadaanan sila.

"Bilang paggalang sa kanya, ayokong magsalita ng kahit ano," sabi niya.

Kinumpirma nina Yasser at Robb ang kanilang relasyon noong Marso. Nagkakilala sila habang nagtatrabaho sa isang pelikula. —MGP, GMA News