Umamin... mga naipong itlog ni Ice, nabugok!

Isinalaysay ni Ice Seguerra ang kanilang paghahanda ni Liza Diño upang magkaroon ng sariling anak. Sa kanyang pagdalaw sa programang i-Listen with Kara David, ginunita ni Ice ang kanilang naging diskusyon noong 2013 tungkol sa in vitro fertilization bilang paraan para magkaanak. Sa kabila ng kanilang mga plano, napag-alaman nilang hindi na ito magiging madali sa paglipas ng panahon.

Noong 2013, nagpasya silang subukan ang in vitro fertilization. Ayon kay Ice, "She said yes, and then 2013, and then siyempre medyo na-move nang na-move kasi feeling namin bata pa kami. [Year] 2016 was the time that we both entered government." Sa edad na 35, sinimulan ni Ice ang proseso ng in vitro fertilization at naipon ang kanyang mga itlog. Sa kasamaang palad, hindi naging matagumpay ang resulta nito.

Ipinahayag ni Ice na, "Kasi nga, ganu’n daw pala ‘yun. Kapag nag-35 ka, significantly bababa ‘yung [quality ng eggs]. Isipin mo, tatlo lang ang nakuha sa akin." Dagdag pa niya, marami pang doktor ang nag-aalangang gawin ang proseso dahil sa mga restriksyon ng batas. "And the laws, the laws that we have here, sobrang restrictive. Or not even laws, kasi ang sinasabi sa amin nu’n was, the doctors can’t do it because it was unethical," kuwento ni Ice.

Isa pang hamon ang oras nila sa trabaho, lalo na noong pareho silang nasa ahensiya ng gobyerno. "Hindi lang naman siya, o punta tayo overnight, ha? Hindi siya ganu’n eh. So na-move nang na-move, na-move," patuloy niya. Kalaunan, tila tinanggap na nina Ice at Liza na hindi sila magkakaanak.

Ayon kay Ice, "And then, nandito na rin kami sa point na, I’m 43, she’s 45. Parang... I don’t think it’s wise. I mean, we already have one. We have Amara, who’s already 18. So parang ngayon, siguro that’s something that’s not for us in this lifetime," patungkol ni Ice sa anak ni Liza sa una nitong asawa. Ayon kay Ice, tatlong taong gulang lang noon si Amara nang maging karelasyon niya si Liza.

Ikinuwento rin ni Ice ang proseso kung paano siya natanggap ni Amara na tawaging dad. "Ang ganda rin ng naging journey namin ng daughter ko. Kasi from ate, tawag niya sa akin. Tapos gusto niya ako tawagin tita. Sabi ko, ‘Utang na loob, huwag mo akong tatawaging tita,” ani Ice. Ayon kay Ice, hindi niya ipinilit na siya ang tumayong ama.

"Basta sabi ko sa sarili ko nu’n, I will not impose. Kasi her dad, who’s in the States, is very much involved. And parang, you know, it’s something that shouldn’t be imposed. Whenever she feels like calling me dad, then, I welcome that," patuloy niya. "So parang, biglang out of the blue, nasa kotse yata kami, and she was like, ‘Baba, can I just call you dad?’ So parang ako, siyempre, pa-nonchalant naman ako. ‘Yeah, of course.’ Sabi ko, ‘Yay! (pumalakpak),’” patuloy niya.

Pag-amin niya, medyo naging emosyonal siya noong mga sandaling iyon. "Muntikan na. Medyo, nangingilid na." Natuwa pa si Ice na naabutan pa ng kanyang mga magulang si Amara. "Amara had moments with my parents na, na-feel nila na may apo sila, at least from me. Alam mo ‘yun? So, ang sarap lang," sabi ni Ice.