Vice at Kim, mabilis inayos ang away
Orihinal na artikulong inihanda ng Istorya News sa tulong ng AI, batay sa ulat ng Pilipino Star Ngayon. Sinuri laban sa nakalathalang sanggunian bago ilabas.
Tinutukan namin kahapon ang It's Showtime dahil sa isyu nina Vice Ganda at Kim Chiu na sagutan sa X nung nakaraang Martes. Dahil ito sa pag-alma ng fans ni Kim, na hindi nabanggit sa acceptance speech ni Vice Ganda sa nakaraang 1st FAMAS Broadcast Arts Awards ang kanilang idolo. Pero sa bandang huli ay sinabi niyang okay sila ni Kim at hindi sila nag-aaway. Sabi niya, “Ay di po kami magkaaway. Magkamessage po kami now. As ennn.”
Mukha namang okay silang dalawa, dahil pinanood nga namin ang It's Showtime kahapon, magkasama naman sina Kim at Vice Ganda. Parang wala namang isyu sa kanilang dalawa nang magsama sila sa segment na Laro Laro Pick. Hindi nga nila ito pinag-usapan o kahit ginawang joke. Sa opening lang ng naturang noontime show na kung saan nandun din si Kim na nag-interview sa kanilang guests na grupong 4Play. May joke sila Jhong Hilario tungkol kay Snoop Dogg na hindi niya na-gets. “Hindi ko naintindihan. Anong banat ‘yun? Uy ha? Sobra! Ang dami nang banat sa akin. Tama na!” tili ni Kim.
Pinik-ap na naman ito ng supporters niya. Kaya trending pa rin kahapon sina Vice Ganda at Kim Chiu. Maganda ang ipinakitang pagsasanib nina Dingdong Dantes at Coco Martin para sa industriya nang magkita sila sa Sunday meeting ng AKTOR: League of Filipino Actors. Kaya walang isyu ang pagtatapat ng kanilang programa. Pero marami pa rin ang interesado kung nakahabol na ba sa ratings ng Coco Martin’s Sigabo ang The Master Cutter ni Dingdong.
Sa totoo lang, lumalaki na ang agwat ng Master Cutter sa Sigabo. Nagdo-double digit pa itong serye ni Dingdong at ang sumusunod na Task Force: Firewall. Nakatsikahan namin si Jhong Hilario na bahagi sa main cast ng Sigabo at hindi naman daw sila nape-pressure. Masaya raw sila dahil maganda ang performance nito online. “Actually, nakita naman namin ‘yung mga viewers namin online. So, sobrang happy si Coco dun. Sobrang happy kasi nabe-break niya ‘yung record niya dati sa Batang Quiapo. Ang daming nanonood online.”
E parang at least kahit papano nakikita niya… nakikita ng lahat na nagtatrabaho sa Sigabo na marami pa rin tumatangkilik, at hindi pa rin nawawala ang magic ng isang Coco Martin,” saad ni Jhong nang makatsikahan namin sa 10th birthday concert ni Kryzl na ginanap sa Samsung Hall noong Sabado, July 18. Kaya okay lang sila at lalo pa raw nilang pinapaganda ang Sigabo. Hiningan din namin ng sagot si Jhong tungkol sa It's Showtime na napuna noon ng netizens nung may pagkakamali sila minsan sa segment nilang Laro Laro Pick.
Na-resolve na rin naman ‘yun, kung saan hinarap ni Vice Ganda, nag-sorry at kinorek naman nila. “Which is good problem ‘yun. Kasi talagang ina-accept naman namin ‘yung mga pagkakamali e, ‘di ba? ‘Yung mga flaws, kasi dun ka matututo, dun mo mapapaganda. Kung may mali, accept mo. Do it better. So ‘di ba? Dun naggo-grow ‘yung Showtime.” Ayaw munang magbigay ng update ng ilang taong involved sa project na biopic ng National Artist na si Ishmael Bernal, dahil marami pa palang babaguhin. Pati ang pagkuha ng investors ay ayaw muna nilang magbigay ng pahayag kaugnay rito.
May kaibigan kaming non-showbiz na inalok na mag-invest sa film project na ito. Pero hindi pa naman daw siya nakapag-commit. May nagsasabi pang isasali raw nila ito sa Metro Manila Film Festival (MMFF), dahil malaking bagay kung mapapanood ito sa taunang filmfest. Pero ayon sa napagtanungan namin, definitely raw ay hindi nila ito isa-submit sa MMFF. Isang monumental project daw ito na kailangang ayusin pa ang script pati ang iba pang creative concerns.
Maghintay na lang daw ng susunod na updates kapag handa na ang Kahon Collective ni Sir Ricky Lee. Samantala, kumuha na rin kami ng update sa apat na script na pasok na sa MMFF 2026. Ang pelikulang Amir ng GMA Pictures ang alam naming matagal nang nakapag-shoot.
Kinumusta namin ang The Greatest Showdown nina Vic Sotto at Vice Ganda na nasa pre-production pa lang. Tinanong din namin si Roselle Monteverde ng Regal Entertainment kung nagsimula na ba ang kanilang Haunted Carnival. Wala kaming ideya kung nagso-shooting na ang Second Miracle in Cell No. 7 ng Viva.
Nung nakaraang announcement ay namataan namin doon ang taga-Lonewolf Productions na gumawa ng pelikulang Little Hope na pinagbidahan ni Yassi Pressman. Nandun din ang production people ng musical film na Emilio Jacinto na pinagbidahan ni Gerald Santos. Tingnan natin kung papasok ito sa finished films ng MMFF.