Yeng Constantino, sumakay ng Angkas papuntang US Embassy

Manila, Pilipinas – Sinasabing kapag may determinasyon, may paraan. Ito ang tila naging sitwasyon ni Yeng Constantino nang kailangan niyang makuha ang kanyang visa sa US Embassy. Sa kanyang Instagram story, ibinahagi ng singer-songwriter na napilitan siyang gumamit ng Angkas para sa kanyang maagang appointment sa embahada.

Ayon kay Yeng, kinakailangan niyang makakuha ng US visa para sa kanyang serye ng mga konsiyerto. Subalit, nagkaroon siya ng hindi pagkakaintindihan sa text message ng kanyang handler. Akala niya ay 9:00 ng umaga ang kanyang tawag sa embahada, ngunit alas siyete y medya pala ito! Dahil dito, nag-alala siya at na-tense sa sunud-sunod na follow-up ng kanyang handler.

Dahil sa takot na ma-late, wala na siyang ibang pagpipilian kundi ang mag-book ng Angkas upang hindi siya maabala sa kanyang pagdating sa US Embassy. Sumakay siya sa likod ng rider na may suot na helmet habang nagdarasal na sana ay makarating siya sa tamang oras. Sa kabutihang palad, natupad ang kanyang panalangin, at natutunan niya ang mahalagang aral na dapat basahin nang mabuti ang mga mensahe.